"La noche sugiere, no enseña. La noche nos encuentra y nos sorprende por su extrañeza; ella libera en nosotros las fuerzas que, durante el día, son dominadas por la razón" Brassaï.
Mirada universal de alcance personal.

xoves, 23 de novembro de 2017

baleiro [37/52]

6 de novembro, 2017
14:11:34
Interior.
Burés, Rianxo.


"Non quero que te vaias
nin que te quedes
nin que me deixes soia
nin que me olvides"
(Leilía)


Pero chegou o fatídico día.
Ese día no que levaba moito tempo pensando pero non era consiciente de que fose pasar de verdade e tan de súpeto.
E chegou e tí e fócheste.
O día no que estiven na miña primeira rodaxe.
Un bo día que xa estaba rematando mal por que discutira co meu amor.
Unha noite que xa estaba mal, rematou peor.
Unha noite na que un simple whatsapp me desfixo por dentro.
Unha noite na que C e S apareceron na Coruña para recollerme, xa que a cidade me comía máis que nunca. Quería estar en Burés, cos meus. Con miña avoa.
Unha noite que non durmin.
Que vin mal ós meus. Fatal.
Unha noite na que me doeu o corazón coma nunca.
Unha noite na que chorei como agora, recordando e escribindo todo isto.
Unha longa noite de pedra.

Hoxe fai un ano de todo isto.
Hoxe quero pechar unha etapa que comezou coa realización deste proxecto, do meu proxecto final de fotografía e que llo adicaba a elas. Así nacía Aleitadoras.
A etapa que continuou coa idea do Making Off: Aleitadoras ó acordarme dunha foto de miña bisavoa mirándome. Quería mostrarlle ó mundo todo o vivido durante esa etapa de realización das fotografías.
Etapa que se comezou a pechar cando, un ano despois fun recoller as fotos orixinais de Aleitadoras ó Mestre Mateo.
Que se seguiu pechando ó tatuarme a fotografía introductoria de Aleitadoras, (as súas mans).
E que remata hoxe.
Hoxe fai un ano dese momento.
Hoxe pecho todas esas etapas, renovada, pensando en miña bisavoa máis e mellor que nunca.
Querendo a miña avoa máis e mellor que nunca.
Querendo a quen quero máis e mellor que nunca.
Valorando a quen teño máis e mellor que nunca.




As cousas cambiaron, (bis)avoa,
pasaron moitas cousas desde que te foches.
Eu pasei un curso moi duro, pero sei que foches ti quen me axudou a sacalo adiante por que era nunha das cousas nas que te empeñabas, en que estudiaramos, en que saíramos adiante e foramos fortes. Despois deste ano, sei que son forte (menos do que me gustaría, pero algo máis que fai un ano).
Quero que sepas que estou moi orgullosa do proxecto Aleitadoras, de todos eses "retratos" dos que eres, xunto ca abuela, protagonista. De poder pasar todo ese tempo con vós que seguramente que dende ben pequeniña que non o facía. De facervos esa homenaxe que tanto merecíades, xa que vos admiro tanto (aínda que non sepa demostralo). Esa homenaxe que ahora e sempre levarei na pel (que sei que se chegaras a ver, botarías as mans á cabeza e chamaríasme de todo), que é unha mostra do que sinto cara a vós, cara Aleitadoras e cara a fotografía.
Quero que sepas que imos estar ben, que "o tempo cura todo", pero que nunca che olvidaremos.
Estás sempre presente.



If you must die, sweetheart
die knowing your life
was my life's best part.
And if you must die,
remember your life.
(Keaton Henson - You)



Como ben vedes, Aleitadoras é un proxecto moi persoal. Unha das cousas que me animou a facer o Making Off foi o feito de que a xente coñecera a historia das mulleres máis importantes da miña vida, e tamén de seguir vendoas xuntas, aínda que só fose nas fotos.
Esta foto concretamente, non pertence a Aleitadoras. É actual, como se pode ver nos datos.
Móstranos como continúa todo, en concreto o seu sitio, a súa cadeira de sempre e na que se sentaba ultimamente por que a outra quedáballe moi baixa.
Continúa todo no seu sitio, pero baleiro, igual que nós.
Cada vez que me sento ó lado desa cadeira, vexo a súa man na miña perna, como sempre.
Cada vez que entro á cociña, inconscientemente xiro a cabeza buscándoa.
Sei que hai moito dela en min, herdado ou non, e unha desas cousas é unha das que máis feliz me fai ahora mesmo (e que máis me axudou neste proceso): o folcklore. Vela coa pandeiretaa na man e ver a súa cara cando lle cantaba son cousas que xamáis esquecerei.



baleiro
substantivo masculino
11. Sufrimento que provoca a falta de algo ou lguén.
O baleiro que deixou no equipo tardou en superarse.
(Diccionario da Real Academia Galega)






© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 18 de novembro de 2017

o principio do fin [36/52]

13 de abril, 2016
13:35:46
Interior.
Burés, Rianxo.


Comeza o principio do fin.
Foiseme das mans e as 52 fotos quedaronme grandes.
E por iso decidín pechar esta serie, por que se achegan datas sinaladas e considero que é o mellor momento.
Esta é a primeira das dúas fotos que van a rematar o Making Off Aleitadoras, que van pechar esta etapa.

Esta é a imaxe que deixou ela, a imaxe que teño eu desa cociña, tan baleira agora.


© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

luns, 25 de setembro de 2017

por fin teño un PORFOLIO!

Levaba tempo con esta idea rondándome a cabeza.
Un resumo do meu traballo fotográfico físico, para podelo tocar.
E despois de revisar carpetas con fotos dende o 2011, AQUÍ ESTÁ!


luns, 11 de setembro de 2017

nos vamos a comer el mundo vol.2

26 de agosto, 2017
19:48:08
Exterior.
As Caldas, Taragoña, Rianxo.


Experimentando con ela e con Carla.
Segunda parte desta serie.


sábado, 9 de setembro de 2017

nos vamos a comer el mundo vol.1

26 de agosto, 2017
20:11:45
Exterior.
As Caldas, Taragoña, Rianxo.


Experimentando con ela e con Sara.
Haberá unha próxima entrega desta serie.


domingo, 3 de setembro de 2017

Imo, que bonito eres!

Coas nove fotografías deste proxecto, fago un retrato da miña aldea, a través de lugares relacionados coa miña infancia ou que me traen recordos da mesma.

Con estas imaxes, tamén quero facer unha descrición da aldea e da súa xente, dos seus elementos arquitectónicos e do seu día a día.

A unitaria, o "hórreo de Ana" onde tantas tardes temos pasando comendo pipas...son lugares emblematicos para min, que me traen recordos e que fan que queira á miña aldea e que presuma dela por todos lados ós que vou. Outrso lugares das fotografías, son emblemáticos por que considero que "medrei" vendoos ou vivindo experiencias neles.

Vivín no medio da aldea ata os tres anos. Este cambio márcao  a última foto, camiño que leva á miña residencia actual. Marca ese cambio, e como, dalgunha maneira deixei atrás todas as vivencias que tiven de pequena na aldea.


sábado, 2 de setembro de 2017

recordo [35/52]

28 de maio, 2016
22:39:46
Interior.
Burés, Rianxo.




recordo
substantivo masculino
2. Obxecto que serve para recordar algo ou a alguén.
Trouxo algúns recordos de París.
(Diccionario da Real Academia Galega)



Na mesiña de noite, acompañábana eses recordos, as vodas do seu neto e da súa neta máis vellos.
Un cruceiro, tan típico en Galiza.
A luz quedaba prendida durante uns minutos, despois a longa noite de pedra asoballábaa.
A bisavoa dicía que non durmía, que sentía todo o que pasaba de noite nos arredores da casa. Por outro lado, a avoa dicía que a escoitaba roncar dende o seu cuarto.
O certo é que os recordos desa mesiña, estaban acompañados polos da outra mesiña, fotos dos bisnetos.
Catro xeracións da mesma familia convivían na casa do Agro da Fonte, en imaxes e nos corazóns.



© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 26 de agosto de 2017

cansazo [34/52]

7 de maio, 2016
21:25:02
Interior.
Burés, Rianxo.





cansazo
substantivo masculino
1. Diminución da forza a causa dunha actividade ou un esforzo.
O exceso de traballo produce cansazo.
(Diccionario da Real Academia Galega)




99 anos de vida.
De cambios,
de adaptacións,
de ver a vida pasar,
e taamén o tempo.
99 anos de cambios
na vida,
no mundo.
De avances,
de retrocesos.
99 nos que se acumulan
vivencias,
experiencias,
aprendizaxes
pero tamén
cansazo.




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 19 de agosto de 2017

costume [33/52]

7 de maio, 2016
20:54:45
Interior.
Burés, Rianxo.




costume
substantivo masculino
1. Práctica regular de certa cousa, levada a cabo por unha persoa ou unha colectividade.
É un vello costume familiar facer unha festa xuntos todos os anos.
(Diccionario da Real Academia Galega)




Moitos verano como algo ordinario, outros como algo común. pero para min é unha costume, algo que estaba acostumada a ver nela.
Aprobeitar a coida ata a última pingueira como naqueles anos nos que se tiña pouco para levar á boca e habíao que aprobeitar e saborear.
Unha costume que a xente nova xa non temos, por que é "de mala educación" ou iso nos fixeron crer, cando en realidade era fame, necesidade.






© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 12 de agosto de 2017

cear [32/52]

7 de maio, 2016
20:47:48
Interior.
Burés, Rianxo.




cear
verbo transitivo
Comer de cea [unha comida].
Hoxe ceamos peixe.
(Diccionario da Real Academia Galega)



Momento de reunión, de facer un repaso do que foi o día e do que será o seguinte.
Momento de chegar a consensos, tomar decisións.
Pero sobre todo momento de descansar do traballo do día.




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 5 de agosto de 2017

existencia [31/52]

7 de maio, 2016
21:27:49
Interior.
Burés, Rianxo.



existencia
substantivo feminino
1. O feito de existir, de ter unha realidade.
Descubriu a existencia dun novo corpo químico.
2. Vida, maneira de vivir.
Unha longa existencia.
(Diccionario da Real Academia Galega)




Esa mirada que chama á vida, á existencia, ó alento, pero á vez, mostra o cansancio de 99 anos.
O cansancio e as ganas de entender este mundo que tanto viu cambiar en 99 anos.
Existir é doado, vivir, non tanto.






© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 29 de xullo de 2017

tríade [30/52]

22 de abril, 2016
20:49:50
Interior.
Burés, Rianxo.




tríade
substantivo feminino
Conxunto de tres persoas ou cousas.
As follas do trevo distribúense por tríades.
(Diccionario da Real Academia Galega)


Un equipo de tres.
Aínda que a maioría das veces estaban soas miña avoa e bisavoa por mor do traballo de miña tia, as tres eran un equipo.
Para tomar calquera tipo de decisión, facía falta a opinión de cada unha delas.





© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 22 de xullo de 2017

aperta [29/52]

28 de maio, 2016
20:30:34
Interior.
Burés, Rianxo.



aperta
substantivo feminino
Acto de abrazar ou cinguir cos brazos.
Despedíronse cunha forte aperta.
(Diccionario da Real Academia Galega)




Acto de abrazar ou cinguir cos brazos. Pero tamén coas mans.
Esas mans que apertan forte. Esa vida que se aperta a unha á outra para nunca separarse.
Acto de abrazar ou cinguir cos brazos, coas mans e cos ollos.
Unha aperta cos ollos, que din "apértame forte".
Miradas e apertas que capturou a miña cámara, que gardarei para sempre, así como sempre as levarei a elas no corazón.





© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

martes, 18 de xullo de 2017

you are my muse

ando teño unha idea sempre está ela para solucionarma e para facer de modelo.

Levo vendo eses troncos dende hai unhas semanas, e o outro día, pois decidímonos a parar alí, e saiu isto.




sábado, 15 de xullo de 2017

compañía [28/52]

27 de maio, 2016
20:15:10
Interior.
Burés, Rianxo.



compañía
substantivo feminino
1. Acción e efecto de acompañar.
Está en boa compañía.
2. Circunstancia de estar ou de ir acompañado.
Sempre sae só, sen compañía.
(Diccionario da Real Academia Galega)



Sempre falo da soidade de miña bisavoa, deses momentos nos que se desesperaba ó non localizar á súa filla, ou desa soidade que sentía ó ser a única persoa maior da casa que vía o mundo cos ollos que naceron en 1917.
Pero en realidade non estaba soa. En reaidade acompañábanse unha á outra.
Vían a tele (aínda que á bisavoa era cousa que non lle gustaba nada, pero a miña avoa si, asíque tiñan que adaptarse unha á outra). Pasapalabra, o Sálvame, Supervivientes, Gran Hermano...son as cousas que entreteñen a miña avoa e lle fan e facían ter a mente despexada, pero a bisavoa odiava todas esas cousas, non lle gustaba nada ver a xente berrar e moito menos cando saían da caixa de luz que tanto detestaba.






© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 8 de xullo de 2017

eternidade [27/52]

16 de maio, 2016
19:23:58
Interior.
Burés, Rianxo.




Non recordo moi ben por que non incluín estas fotografías na serie final, por que son dunha forza tremenda.
Pero como di Jean-Claude Lemagny, ás veces, hai que deixar "descansar" ás imaxes, para cando o fotoógrafo volva a elas, lles transmitan todos os sentimentos que sentiu no momento de sacalas...e iso é o que me está pasando a min...moitos sentimentos encontrados deses momentos que pasaba con elas, os venres á tarde, sacándolle fotos e, o máis importante: pasando tempo con elas. Tempo que agora só podo disfrutar con miña avoa, e que estou moi orgullosa de ter pasado coas dúas facendo o que máis me gusta e o regalo máis grande que lles puiden ter feito.

Por iso hoxe lle adico tamén a elas a palabra eternidade, por que como xa dixen moitas veces durante este making off, os avós e avoas deberían ser eternos.



eternidade
substantivo feminino
1.Calidade de eterno.
A eternidade do amor.
3. Dimensión fóra do tempo á que se accede despois da morte.
Prepararse neste mundo para a eternidade.
(Diccionario da Real Academia Galega)




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 1 de xullo de 2017

soidade [26/52]

16 de maio, 2016
19:22:24
Interior.
Burés, Rianxo.



soidade
substantivo feminino
1. Circunstancia de estar só.
Sempre que podo, evito a soidade.
(Diccionario da Real Academia Galega)



Esta foto tamén pertence á parte da espera.
Cando miña bisavoa non sabía onde estaba a súa filla abría a ventá, e como xeralmente non a atopaba na parte de diante da casa, saía a fóra e dáballe voltas á casa, o cuberto a todo, ata que a atopaba. como xa ben dixen moitas veces, non podían separarse nin 5 minutos, para miña bisavoa iso era a eternidade, sentíase soa.




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 24 de xuño de 2017

exposición [25/52]

22 de abril, 2016
20:28:40
Exterior.
Burés, Rianxo.


Esta foto é moi especial por moitas cousas pero especialmente por que formou parte da miña primeira exposición fotográfica que tivo lugar no bar A Casa do Patín en Padrón.
Esta foto transmíteme moita forza, a forza que teñen e transmiten as xentes maiores tanto da Galiza como do resto de España e do mundo.
Esa forzaa tívoa miña bisavoa ata o seu derradeiro suspiro, por iso esta foro é tan importante para min.



exposición
substantivo feminino
1. Presentación pública de diversos obxectos. Unha exposición de maquinaria agrícola.
Unha exposición de obras de arte.
(Diccionario da Real Academia Galega)




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 17 de xuño de 2017

espera [24/52]

22 de abril, 2016
20:13:59
Interior.
Burés, Rianxo.


É a parte do proxecto que, persoalmente, máis me gusta. Que máis transmite.
Transmite o paso do tempo, esa espera pola súa filla, que faltando 5 minutos xa se sentía soa.
Onde se ve unha vida vivida duramente.
Unha espera sen ningún obectivo, salvo o punto e final.
E atopou ese punto e final con 99 anos recén estreados.



espera
substantivo feminino
1. Acto de esperar e tempo durante o cal se espera.
A longa espera acaboulle coa paciencia.
(Diccionario da Real Academia Galega)




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 10 de xuño de 2017

leña [23/52]

8 de maio, 2016
9:22:03
Interior.
Burés, Rianxo.



A cociña de ferro é algo identificativo da casa de miñas avoas. Para min sempre foi chamativa, xa que na miña casa non hai. E sempre fixen experimentos nela...dende poñer pezas dun carrito enrriba e derretirense (e escoitar unha das broncas máis grandes da miña vida a raís deso) ata probar que pasaba se lle poñía a meu irmán unha casca de noz a cara despois de estar un cacho enrriba da cociña encendiada (outra boa bronca).
A miña avoa dálle moito traballo, cando non tira ben énche a cociña de fume, e acarrexar leña dende o cuberto é pesado, pero a calor que dá é inigualable, recoñecible.




leña
substantivo feminino
Conxunto de pólas, toros de árbores cortados en rachas ou madeira de calquera clase que se utiliza para facer lume.
Hai que ir por leña ao monte.
(Diccionario da Real Academia Galega).




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

venres, 2 de xuño de 2017

ADMIRACIÓN [22/52]

27 de maio, 2017
18:46:20
Interior.
Burés, Rianxo.




admirar
verbo transitivo
1. Contemplar con admiración, sentir admiración por [algo ou alguén].
Admiro a súa intelixencia. Admirámolo profundamente.
2. Producir admiración. Admírame tanta tranquilidade.
Non deixas de admirarme coa túa coraxe.
(Diccionario da Real Academia Galega)


sábado, 27 de maio de 2017

super-PODER [21/52]

6 de maio, 2016
18:51:50
Exterior.
Burés, Rianxo.


Unha vez cos chancos postos, xa está disposta a todo.
É como se tiveran superpoderes. Con eles (e sen eles tamén) era capaz de calquera cousa: ir meter as galiñas, botarlle de comer ós porcos, sulfatar, tender a roupa, poñer o muíño a moer, trafegar o viño...
A ver se vai ser que as avoas son un pouco HEROINAS...que inventan contos para cada noite, que che obrigan a rezar antes de durmir, que che tapa hasta as orellas, que che di "escoitame cas orellas", que ía muxir a vaca e me gardaba a tona sempre, que che berran ó debullar porque non sabes, que che deixan entrar na corte par xogar coas cabuxas, que pasa sen comer os ovos de dúas xemas para drchos a ti, que fan os mellores bolicos do mundo, que fan todas as comidas ricas do mundo, que se me presta para todos os traballos de clase que impliquen ADMIRALA.
Avoas que forman parte da vida, que van no corazón, na pel, e na vida.
Avoas que terían que ser para sempre.



SUPERpoder
verbo transitivo
3. Ter a forza física ou psíquica para [facer algo].
Non creo que o poidas levantar ti só.




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 20 de maio de 2017

chancos [20/52]

6 de maio, 2016
18:51:12
Exterior.
Burés, Rianxo.



Son unha das prendas identificativas de miña avoa dende que teño uso de razón, e flipei ó ver que esa palabra existía. Pensei que era invención de miña avoa. De pequena pensaba que era todo invención dela, sobre todo cando me contaba o "cuento de la buena pipa" que cada día cambiaba de argumento e de forma.

Os chancos son a prenda indispensable que miña avoa utiliza para ir á horta ou cerrarlle ás galiñas ou dar o sulfato, da igual que estea recén chegada da misa, ou preparada para a acción.



chanco
substantivo masculino
1. Calzado de goma que se pon por riba das zapatillas para andar por un sitio mollado ou húmido.
Pon os chancos para ir á corte.
(Diccionario da Real Academia galega)



© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 13 de maio de 2017

sulfato [19/52]

16 de maio, 2016
19:40:01
Exterior.
Burés, Rianxo.



sulfato
substantivo masculino
2. Substancia química que se emprega diluída en auga para combater determinadas enfermidades e pragas das plantas.
Dan o sulfato cunha máquina de motor.
(Diccionario da Real Academia Galega)


sábado, 6 de maio de 2017

millo [18/52]

28 de maio, 2016
20:43:26
Interior.
Burés, Rianxo.


Moer o millo.
Unha das numerosas tarefas que fai miña avoa e que tanto me chamaban á atención de pequena (omo debullar, que nunca me deixaban por que desperdiciaba demasiado millo) e tamén agora.



millo
substantivo masculino
1. Planta da familia das gramíneas orixinaria de América que pode chegar aos catro metros de altura, follas longas e lanceoladas e flores masculinas e femininas no mesmo pé, que produce unhas mazarocas de grans grosos de cor amarela.
A leira xa está lista para sementar o millo.
(Diccionario da Real Academia Galega)




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 29 de abril de 2017

traballadora [17/52]

22 de abril, 2016
20:08:05
Interior.
Burés, Rianxo.



E esta é a palabra que define a miña avoa.

traballadora
adxectivo
1, Que traballa moito.
Un rapaz traballador coma poucos.
(Diccionario da Real Academia Galega)


Como xa dixen anteriormente, ela adicábase ó coidado da súa nai, pero tamén a todo o demáis. Non para quieta, e non lle sirve que ninguén faga as cousas por ela. E por un lado fai ben, sentirse útil é o mellor para caquera persoa; pero deixarse axudar tamén está ben, para descansar a cabeza de vez en cando.



© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 22 de abril de 2017

tempo [16/52]

6 de maio, 2016
17:11:14
Interior.
Burés, Rianxo.



tempo
substantivo masculino
4. Espazo temporal de longa duración.
Hai tempo que non o vexo. Aínda falta tempo para que veña.
(Diccionario da Real Academia Galega)


mércores, 19 de abril de 2017

they say it changes when the sun goes down

8 de abril, 2017
Praia os Cunchidos e Río Sieira, Porto do Son


Tiña mono de facer fotos.
A cámara estaba recén chegada do servizo técnico e tanto ela coma min vimos no primeiro día de vacacións de semana santa, a mellor escusa para saír a pasear.
Invitei a Sara, Carla e a Andrea. Non houbo moito que insistir, sei que se prestan.
Eu puxen coche e cámara, elas a localización e as gañas. E este é o resultado.

Hai máis máis fotos, pero saio eu, o cazador cazado, que irán ó facebook persoal.



sábado, 15 de abril de 2017

sesta [15/52]

24 de abril, 2016
15:12:02
Interior.
Burés, Rianxo.



sesta
substantivo feminino
1. Tempo destinado a durmir e descansar despois de xantar.
Durante a sesta é mellor non molestalo.
(Diccionario da Real Academia Galega)



sábado, 8 de abril de 2017

mandil [14/52]

8 de maio, 2016
10:10:41
Interior.
Burés, Rianxo.




Miña avoa era costureira. E ségueo sendo.
Ela facíalle os panos da cabeza a súa nai (os de a diario, que os de día de festa tiñan que ser de raso).
E tamén lle facía mandiles para non "lixarse" (como dicia ela) mentres comía.
E aquí mostro o momento antes de almorzar ou comer no que llo poñía. Tan tenras, tan sincronizadas.
Ás veces, ós domingos, tamén llo poñía eu, aínda que ninguén o facía tan ben como a súa filla, ela conformabase.



mandil
substantivo masculino
Peza de roupa que atada á cintura e ás veces tamén ao pescozo se pon sobre a outra roupa para non manchala por diante.
Os zapateiros levan mandís de coiro.
Se vas fregar, pon o mandil.
(Diccionario da Real Academia Galega)




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.



sábado, 1 de abril de 2017

xantar [13/52]

24 de abril, 2016
10:31:49
Interior.
Burés, Rianxo.




Despois do almorzo, miña avoa comezaba a facer o xantar para as "dose" como se dí na súa casa.
Era outro dos numerosos momentos que compartían as tres.
A bisavoa daba ordes dende a banqueta que segue na mesma esquina da cociña, na que últimamente se sentaba menos, debido á pouca altura desta, que lle facía máis complicado levantarse.
Esa mesma banqueta na que sempre a recordarei limpando patacas minúsculas e botándoas nun caldeiro de agua.

A miña tía gústalle probar cousas novas en canto á comida, pero á bisavoa non lle gustaba, e pese a todo, volvérase moi esquisita coa comida, e non podía ver diante nin o peixe nin as lentejas.
Ela daba ordes dende a banqueta, e maldecíanos ós novos dicindo que non sabíamos o que era pasar fame.
Canta razón tiña...


xantar
substantivo masculino
Comida do mediodía.
O día do patrón fixemos un bo xantar.
(Diccionario da Real Academia Galega)


© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 25 de marzo de 2017

neta [12/52]

24 de abril, 2016
10:36:08
Interior.
Burés, Rianxo.


A estas alturas, miña tía debería odiarme.
Entre a relación de miña avoa e miña bisaboa, tamén está ela. E acordeime tarde de introducila na serie, por que tamén era importante (e segueo sendo).
Compartían as tres moitos momentos, entre eles o do almorzo como aquí vedes. Xeralmente os fins de semana, debido ó traballo de miña tía, neta (coma meu pai e miña outra tía) de miña bisavoa.

neta
substantivo
Filla dunha filla dunha persoa.
Os netos véñeno ver a miúdo. Sabía que era a neta favorita do avó.
(Diccionario da Real Academia Galega)


Ser neto é algo moi forte, do que non somos conscientes durante moito tempo da nosa vida, e que moitas veces ninguén sabe como nos sentimos, pero en realidade, considero que os avós e as avoas son a unha das cousas máis importantes na vida das persoas. E eu tiven a sorte de criarme tamén con miña bisavoa, coa súa sabiduría, os seus ideais "anticuados", pero co corazón máis grande do mundo.

Están sendo tempos duros.
E hoxe non vou poder ensinarlle as feridas que fixen tocando muiñeira vella.
Pero as anteriores si que mas veu, e foise sabendo que "Hei de morrer cantando, xa que chorando nacin".


© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 18 de marzo de 2017

remedios [11/52]

17 de maio, 2016
11:24:36
Interior.
Burés, Rianxo.




remedio
substantivo masculino
2. Aquilo que se emprega para combater, curar ou aliviar unha enfermidade, unha dor ou un mal.
Na botica véndense diversos remedios.
CONFRONTAR - fármaco, medicamento, medicina, menciña
O leite quente con mel é un remedio para o catarro.
(Diccionario da Real Academia Galega)

sábado, 11 de marzo de 2017

contraluz [10/52]

24 de abril, 2016
10:36:08
Interior.
Burés, Rianxo.


contraluz
substantivo feminino
1. Efecto que produce a luz sobre un obxecto cando este está situado entre o punto de onde procede aquela e o observador.
As contraluces son os temas preferidos do artista.
(Diccionario da Real Academia Galega)

sábado, 4 de marzo de 2017

almorzo [9/52]

8 de maio, 2016
10:13:11
Interior.
Burés, Rianxo.



Despois de se prepararen as dúas, xa ían para a cociña, onde se desenvolvía a maior da súa actividade diaria.
Alí miña avoa preparaballe con todo o esmero do mundo o almorzo a súa nai. O zume de laranxa non faltaba nunca. As veces acompañado dunha macedonia de frutas, ou das papas que tanto lle gustaban a miña bisaboa.


almorzo
substantivo masculino
Primeira comida do día, que se fai polas mañás.
Tomamos o almorzo ás oito.
(Diccionario da Real Academia Galega)


sábado, 25 de febreiro de 2017

peitear [8/52]

24 de abril, 2016
10:26:42
Interior.
Burés, Rianxo.


peitear
verbo transitivo
1. Desenguedellar, alisar ou compoñer [o pelo] co peite.
Antes de deitarse, peitea o pelo.
(Diccionario da Real Academia Galega)



Unha das moitas cousas que facían xuntas. Un dos momentos que máis importancia lle dei en Aleitadoras, que coincidía tamén co momento preferido de Juan (o maravilloso tutor do proxecto).
Realmente era un momento de confesións, de berrarse unha á outra tamén. O tempo pasa, a vida cambia, e a visión dunha persoa de 99 e a de unha de 73 tamén varían.
Aínda así, era un momento íntimo e persoal do que me permitiron participar durante os 2 meses que pasei sacándolle fotos a todas horas, cousa que agradezo profundamente, xa que é unha das mellores cousas que puiden facer na miña vida.


Mentres actualizo isto (moitos meses despois da publicación) soa Keaton Henson.




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

xoves, 16 de febreiro de 2017

dependencia [7/52]

24 de abril, 2016
10:22:00
Interior.
Burés, Rianxo.



Aínda que cada vez miña bisavoa facía menos cousas soa, miña avoa intentaba que seguise sendo autónoma en algunhas cousas. E unha delas era lavarse a cara, algo tan doado como iso, facía que ela se sentise menos dependente.


dependencia
substantivo feminino
1. Relación que se establece entre unha persoa ou cousa a outra da que depende.
Creo que a súa dependencia dos demais é excesiva.
Buscan novas enerxías para reducir a dependencia do petróleo.
(Diccionario da Real Academia Galega)



Hai non tanto botáballe unha man a miña avoa coa comida, xeralmente limpando patacas pequeniñas para os estofados. Tiña un don para deixalas perfectas.



© Antía Vicente, 2017. 
"dance with somebody" - Flickr Gallery
"Antía Vicente - Fotografía" - Facebook page.

sábado, 11 de febreiro de 2017

coidar [6/52]

24 de abril, 2016
10:22:45
Interior.
Burés, Rianxo.



Aquí a luz percórreas ás dúas.
Este momento foi un dos momentos que máis fotografiei, e con diferencia. Cando miña avoa peiteaba a súa nai.
Considero que era un momento moi íntimo, delas dúas, que non podía faltar no proxecto. E quedáronse moitas fotos fermosas fóra, coma esta. A parte, a luz nese cuarto de baño é fermosa, sempre quedaban ben as fotos.


coidar
verbo intransitivo
3. Dedicar atención a [algo ou alguén], procurando que non lle suceda nada malo, que non lle falte o necesario etc.
Coidar os nenos en canto son pequenos.
(Diccionario da Real Academia Galega)

sábado, 4 de febreiro de 2017

eloxiando [5/52]

17 de maio, 2016
10:42:09 h.
Interior.
Burés, Rianxo.



Era o día das letras galegas.
Continuando a orde da serie final de Aleitadoras, a contiuación van vir unha secuencia de fotos referidas ó momento no que miña avoa ía espertar a súa nai e preparala como só ela o facía.



eloxiar
verbo transitivo
Dicir eloxios de [algo ou alguén].
Eloxiou o seu comportamento.
(Diccionario da Real Academia Galega)




sábado, 28 de xaneiro de 2017

miña avoa é luz [4/52]

6 de maio, 2016.
17:23:14 h.
Exterior.
Burés, Rianxo.




Esta foto é unha das que máis luz emana de todas as do making off.
Todas son escuras, sombrías, dándolle énfase a esas iluminacións tan especiais que se crean ás veces nas casas. Pero esta non, esta está enmarcada de branco, de luz.
Miña avoa estábase acicalando para ir á misa (máis seguro) aprobeitando que eu ía quedar coa bisavoa.
A ela cada vez gustáballe menos estar soa, e o que menos lle gustaba era estar separadada súa filla. Para a ela cinco minutos sen a súa filla, eran a eternidade; ninguén de nós eramos capaces de remprazar a compañía que miña avoa lle daba a súa nai.
E con razón.
Miña avoa é luz.


luz 
substantivo feminino
6. figurado. Persoa ou cousa que ilumina a mente ou o corazón, que ilustra ou guía.
Ti es a nosa luz.
O seu exemplo serviu de luz para moitas vidas.
A luz da razón.
(Diccionario da Real Academia Galega)

sábado, 21 de xaneiro de 2017

equipo [3/52]

24 de abril, 2016.
10:33:11 h.
Interior.
Burés, Rianxo.




Xuntas formaban un gran equipo.
E a súa tarefa primordial tarefa é (e era) a vida.

equipo
substantivo masculino
1. Grupo de persoas unidas para realizar unha tarefa en común.
Traballo en equipo.
(Diccionario da Real Academia Galega)





© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 14 de xaneiro de 2017

aleitar [2/52]

28 de maio, 2016.
20:45:51 h.
Interior.
Burés, Rianxo.



Na anterior fotografía oresentaba a miña bisaboa.
Hoxe presento á outra protagonista da historia: miña avoa, ambas por parte paterna.
Esa muller que recordo dende pequena coa enerxía que a día de hoxe a segue caracterizando. Esa muller que sempre que pode (e me deixo, porque van caros...aínda que con elas menos que co resto do mundo) me enche de bicos e me dí a retahíla de piropos da mesma maneira que cando era unha nena "Meu corasón de la tierra, miña inglesa, miña oura!".
Esa muller que loitou, que sofreu, pero pese a todo, está ahí para todos, para unirnos e sobre todo, para querernos.

Curiosamente estas dúas primeiras fotografías foron tomadas o mesmo día, xa non o recordaba. A esas alturas estaba a un mes de expoñer e tiña xa a gran parte da serie completada. A verdade e que non podo estar máis orgullosa deste proxecto.



aleitar
verbo transitivo
Darlle de mamar unha femia a [unha cría].
(Diccionario da Real Academia Galega). 




© Antía Vicente, 2017.
"dance with somebody" - Flickr Gallery
"Antía Vicente - Fotografía" - Facebook page.

sábado, 7 de xaneiro de 2017

Making off: "Aleitadoras" [1/52]

“Aleitadoras” é un ensaio de autor sobre a convivencia de dúas persoas maiores mediante a cal pretendo dar a coñecer a relación e a convivencia dunha nai e a súa filla na vellez; como cambia a relación que todos temos asociada dunha nai cos seus fillos, que con esta idade, a nai dependía da filla no seu día a día, e non ó contrario. Neste ensaio de autor intimista, as protagonistas das fotografías son miña avoa e bisavoa. A través das fotografías dou a miña visión persoal delas, da súa convivencia e da súa relación, fixándome nos detalles e no entorno que as caracterizan. Dalgunha maneira, tamén se trata dunha pequena homenaxe a elas, sobre todo agora que se me foi unha delas. 

As fotos que irei mostrando durante estas 52 semanas trátanse daquelas que quedaron fóra da selección final de Aleitadoras, por eso decidín tratar esta serie como un “making off”.
Na publicación destas fotografías indicarei datos como a data e a hora da toma das imaxes, e o lugar onde foron tomadas.
As fotos publicareinas no blog, e quizais no flickr.